பா.ரஞ்சித் இயக்கத்தில் குத்துச்சண்டை விளையாட்டை மையமாக வைத்து உருவாகியுள்ள படம் 'சார்பட்டா பரம்பரை'. ஆர்யா கதாநாயகனாக நடித்திருக்கும் இப்படத்தில் அவருக்கு ஜோடியாக துஷாரா விஜயன் நடித்துள்ளார்.
அவர்களுடன், பசுபதி, ஜான் கோகேன், கலையரசன், சந்தோஷ் பிரதாப் உள்ளிடோர் முக்கிய வேடத்தில் நடித்துள்ளனர். வட சென்னை மக்களின் வாழ்கையை பிரதிபலிக்கும் விளையாட்டான குத்துச்சண்டையை கருவாக கொண்டு இந்த படத்தின் திரைக்கதை அமைக்கப்பட்டுள்ளது.
இப்படம் இன்று இரவு 12 மணிக்கு அமேசான் ஓடிடி தளத்தில் வெளியாகும் என அறிவிக்கப்பட்டிருந்தது. ஆனால் அதற்கு எதிர்மாறாக 'சார்பட்டா பரம்பரை' இரண்டு மணி நேரத்திற்கு முன்பாகவே வெளியாகியுள்ளது. இதனால் ரசிகர்கள் மிகுந்த மகிழ்ச்சியில் உள்ளனர்.
இதையும் படிங்க: சிம்பு - கெளதம் மேனன் பட அப்டேட்
